MOKABAT na matud pa sa pito ka CCTV camera ang gitaod sa mga sakop sa Bula Police station sa pipila ka mga establisyemento sa ilang area of responsibility partikular sa Arriola street sa Barangay Bula, J. Catolico Avenue ug uban pa.
Matud ni PCapt. Ari Noel Cardos, hepe sa presinto nakig-alayon sila sa mga tag-iya sa establisyemento sa pagtaod niini apil ang tarpaulin kung asa nakasulat ang hotline number sa presento 6 ug sa City headquarters.
Kini ang nahimong inisyatibo sumala pa sa kapulisan sa presento 6 aron mamonitor ang ilang lugar nga ginsakupan ug aron sab dali marespondihan ang bisan unsa man nga mga kriminalidad.
Kaabag sa kapulisan sa pagpalit sa mga wireless cctv ang ilang mga stakeholders, nasayran nga kabahin kini sa plano ug programa sa kapulisan aron mamintinar ang peace and order sa dakbayan.
Gani butyag sa opisyal dako matud pa kini og natabang sa pagkatumbok sa suspek nga mipusil patay sa revenue collector sa Barangay Dadiangas South. I Enamie Mogpon
