Nakadawat og dakong pag-usbaw sa operational capabilities ang Cebu City Police Office pinangulohan City Director PCOL IRENEO B DALOGDOG. Ang 56 ka mga assault rifles, 4 ka sniper rifles, ug 8 ka Vios patrol cars ang giturn-over ngadto sa kapolisan sa maong dakbayan.
Ang turnover ceremony nga gipahigayon sa Plaza Sugbo sa dakbayan sa Sugbo, Hulyo 12, 2024, gitambongan sa ubay-ubay nga mga inilang opisyal ug kadagkoan.
Gitunol ni Cebu City Acting Mayor Hon. Raymond Alvin N. Garcia inubanan ni Cebu City Councilor Hon. Philip Zafra, kinsa nipadayag usab sa iyang suporta sa mga inisyatibo sa pagpatuman sa balaod sa dakbayan.
Gitambongan ang maong seremonya ni Police Regional Office, Regional Director PBGEN ANTHONY ABELLADA ABERIN, kinsa nihatag og gibug-aton sa kamahinungdanon niini nga tinguha sa pagpausbaw sa kaabtik ug pagka-epektibo sa pwersa sa kapulisan.
Mitambong usab si PCOL IRENEO DALOGDOG, ang City Director sa CCPO, kinsa nisubli sa pasalig sa CCPO sa pagpatunhay sa kalinaw ug kahusay sa dakbayan sa Sugbo.
Matud ni Dalogdog, Ang bag-ong nakuha nga mga ekipo gilauman nga makapauswag pag-ayo sa kaandam sa operasyon sa CCPO, nga makapahimo kanila sa pagtubag nga mas epektibo sa lain-laing mga hagit sa seguridad. Ang pagdugang niini nga mga mobility assets ug mga kagamitan sa armas nagpasiugda sa nagpadayon nga mga paningkamot sa pagsangkap sa kapulisan sa gikinahanglan nga mga himan aron masiguro ang kaluwasan ug seguridad sa komunidad ilabina sa tibuok Police Regional Office 7.
Kini nga inisyatiba nagpakita sa hiniusang paningkamot sa lokal nga kagamhanan ug sa mga law enforcement agencies sa pagpalig-on sa public safety ug security measures sa dakbayan sa Sugbo. Sa walay duha duha adunay mahinungdanon nga papel sa pagsuporta sa misyon sa mga pwersa sa kapulisan sa pagpanalipod ug pagserbisyo sa komunidad.//
