Ro Caticlan ag Kalibo sa probinsya it Aklan hay kaeakip sa Top 4 Philippine tourist sites nga gustong bisitahon it mga Pilipino makarun nga dag on.
Base sa Google’s press release, ro Caticlan ag Kalibo hay nagaserbing ‘gateway’ paagto sa isla it Boracay nga nailista it Google Flights bilang kilaeang travel destinations para sa mga Pilipino base sa report halin sa Good News Pilipinas nga nai-publish ku May 23, 2023.
Ro nasambit nga mga lugar hay kilaea sa andang malimpyo nga baybayon ag maumwad nga palibot, ngani owa it duda nga maeapit raya sa baeatyagon it mga Pinoy. // ANN DESLENE SALAZAR
