Nagapadayon sa gihapon ang pagpahanumdum sang Provincial Health Office sa publiko batok sa balatian nga Hand, Foot and Mouth Disease (HFMD) tuga sang Coxsackievirus nagikan sa pamilya sang viruses nga Enterovirus kun sa diin, base sa pinakaulihi nga datos sang ahensya, nagdangat na sa 54 ang nabalhag nga kaso sa probinsya subong nga tuig.
Nagalapta ang nasambitan nga virus pinaagi sa agsik sang laway ukon plema gikan sa infected nga tawo, ukon pag-istorya, pag-ubo, kag paghatsing, kasubong man sa pagtandog sa pilas ukon lamuti sa panit sang infected person.
Pila sa mga sintomas sini ang pagpalamula sang baba, rashers sa panit nga may mapula nga pintok kag butlig nga makit-an sa palad, kamot, dapa dapa, genital areas, lagnat, pagpangluya sang kalawasan, kag wala gana magkaon.| Frances Joy Preciosa
