Naungusan na ng Canada ang America pagdating sa second dose vaccination rates.
Ayon sa report, as of July 16 ay naitala na ng Canada ang 48.45% ng mga Canadians ang fully vaccinated kontra COVID-19 habang ang America ay 48.05% pa lamang.
Kaugnay nito, sinabi ni Canadian Prime Minister Justin Trudeau na kapag nagpatuloy ang trend ay posibleng buksan na nila ang border sa mga US travellers pagkatapos ng 16-month closure.
Sa kabilang banda, tila bigo naman si US President Joe Biden na ma-meet ang self-set target nito na 70% ng mga adulsts ang mabakunahan noong July 4.
Dahil dito, marami ang nagsasabi na dapat baguhin ng America ang diskarte nito pagdating sa vaccination effort.
Samantala, kabilang naman sa mga states na nag-o-offer ng cash lotteries sa mga residenteng magpapabakuna ang Michigan, Ohio at California.
