BNFM BICOL—Tanging ang lalawigan lamang ng Camarines Sur ang nakapagtala ng mga bagong kaso ng COVID-19 sa Bicol region kahapon.
Batay sa ulat ng Deparment of Health, apat na mga bagong kaso ng sakit ang naitala sa rehiyon na pawang mula sa lalawigan ng Camarines Sur,. Partikular sa bayan ng Bato, Goa, at lungsod ng Naga at Iriga.
Zero new case naman ang iba pang probinsya sa rehiyon daan upang umakyat sa 59,020 ang mga kumpirmadong kaso ng COVID-19 sa rehiyon kung saan 1,212 sa mga ito ang nananatiling aktibo.
Samantala, nadagdagan naman ng 152 ang bilang ng mga gumaling kung kaya’t nasa 55,518 na ang COVID-19 recoveries sa Bicol habang walo naman ang naitalang mga panibagong nasawi kung kaya’t sa kabuuan ay umabot na sa 2,290 ang death toll ng COVID-19 sa Bicol.###
