CAMARINES NORTE- Inihayag ng Department of Health nitong Huwebes na nanatiling nasa Alert level 4 pa rin ang lalawigan ng Camarines Norte sa COVID- 19 tulad ng Albay, Camarines Sur at Sorsogon.
Idenedeklara ang ganitong alert level base sa average daily attack rate, presensiya ng variants of concern at kapag puno o malapit nang mapuno ang mga pagamutan.
Batay sa healthcare utilization rate update kahapon, nasa critical level na ang covid ward beds sa lalawigan matapos maitala ang 90. 7 %
High risk naman ang isolation beds na may 70. 8% utilization at moderate risk ang ICU beds na may 66. 7 utilization.
Nasa low risk ang mechanical ventilators na may 33. 3 % utilization.
Sa kabuuan nakapaglaan ang probinsiya ng 156 beds for Covid kung saan 118 dito ang nagamit o katumbas ng 76 % utilization.
Muli namang nagpaalala ang ahensiya sa pagsunod sa minimum health standards para malabanan ang COVID- 19.
