LEGAZPI CITY – Pig-reactivate na kan Municipal Health Office (MHO) kan Camalig an saindang barangay dengue brigade.
Sa intrevista kan Brigada News FM Legazpi kay Cristy Mae Mediola, Nurse 2 asin Surveillance Officer kan naunambitang opisina, sinagibo ini huli ta igwa na nin mga nairerehistrong kaso sa banwaan kasarabay na man an pag-reconstruct kaini sa kadahilanang ugwa nin mga bagong set nin mga opisyales nin barangay.
Mientrastanto, nagkondusir na man an mga ini sa saindang lugar nin tulo sa pig-aapod na ‘4S’ o itong search and destroy, seek early consultation, self-protection.
Sa ngunyan, nagpagirumdom man si Mediola na pagnakakamate na nin sintomas nin dengue arog kan pabalik-balik na kalintura asin pantal-pantal tulos nang magdiretso sa health center.
