LEGAZPI CITY – Kinumpirma ng Albay Veterinary Office na ang bayan ng Camalig ay ibinalik na sa pink zone classification matapos magnegatibo sa African Swine Fever (ASF) ang dalawang natitirang mga barangay.
Kung matatandaan, na-classify ang Camalig sa red zone makaraang maitala ang unang kaso ng ASF matapos ang mahigit dalawang taong pagiging ASF-free.
Hinihikayat naman ng tanggapan ang mga animal farm owners lalo na ang mga nag-aalaga ng baboy na mahigpit na ipatupad ang mga pamantayan sa biosecurity upang mapanatili ang kalusugan at kaligtasan ng kanilang mga baboy.
Tiniyak naman na kasalukuyang pinaiigting ng kanilang opisina ang biosecurity standards sa lahat ng lugar sa lalawigan.
