Patay ang apat na ka-tao sa kinain umano nilang butete sa Busuanga, Palawan.
Nangyari ito sa Barangay Buluang nitong Martes, ika- 12 ng Marso.
Ayon sa Punong Barangay si Cresanto N. Daco, pinulutan sa inuman ng mga biktima ang ginataang butete at pagsapit ng gabi ay sinakitan na sila ng tiyan.
Nasawi rin ang nagluto habang ang nakaligtas ang siyang nag-paalam sa awtoridad na ang nakalalasong isda ang kanilang pinulutan.
Ang mga nasawi ay kinilalang sina Dario Daco, Rocky Daco, Jay-Ar Dela Cruz, at isang Tyron mga nasa hustong gulang.
Kaugnay nito, nag-babala ang Lokal na Pamahalaang ng Busuanga sa lahat na iwasang kainin ang nakamamatay na isda.
