LEGAZPI CITY – Posible su boot na dai na magkakaigwa ki explosive eruption and Bulkang Mayon.
Ini an pighihiling-hiling ni Albay Public Safety and Emergency Management Office (APSEMO) Chief Dr. Cedric Daep basado su boot sa mga naoobserbarang paghahaba kan mga aktibidad.
Sa intrevista kan Brigada News FM Legazpi kay Daep, pigsabi kaini na dai na kaya nakatipon nin pwersa an bulkan.
Segun sa iya, posibleng dai na magkakaigwa ki explosive eruption apwera na sana kun magkaigwa nin panibagong event o istorya an Mayon.
Alagad, pigtawan-duon ni Daep na ini opinyon niya sana huli ta PHIVOLCS man sana giraray an makapagsasabi kun talagang maputok o dai an bulkan.
Kun kaya, anuman na abiso o rekomendasyon kan PHIVOLCS manungod sa bulkan, dapat ini tulos na ipautob.
