LEGAZPI CITY – Piglinaw kan Department of Interior and Local Government (DILG) Bicol, na dae pwedeng magin rason kan mga punong barangay asin barangay treasurer, an dae naipasar na annual budget kan saindang barangay, para dai magtao nin hononaria o sahod sa saindang mga opisyales, myembros, asin appointed members.
Ini an sinabi ni DILG Bicol Regional Director Arnaldo Escober sa pakikipag-olay saiya kan Brigada News FM Legazpi.
Segun kay Escober, nasa Local Government Code subuot na en kaso na dae maipasar an annual budget para sa masunod na taon, automatic subuot na magigin reenacted an budget kan barangay. Buot sabihon na pwedesir man gilayon subuot na makaresibe nin hononaria o sahod an mga opisyales kan barangay kasarabay an appointed asin myembro kaini.
Dugang pa kaini, simple man sana subuot an requirements sa pagtao nin sahod sa barangay, saro na digdi an pag-attendir nin session regular, halagad depende man gilayon subuot ini lalo na kun bagong tukaw sa barangay an sarong opisyal kun sain kinakaipohan muna subuot kan mga ini na magsumiter nin oath of office asin sertipikasyon sa COMELEC.
