Nagkaroon ng simpleng pagdiriwang ng kanyang ika-68 kaarawan si Bruce Willis kasama ang kanyang limang anak na babae, ang kanyang asawang si Emma at ang kanyang dating asawa, ang American actress na si Demi Moore.
Sa isang video , ipinakita ni Moore sa kanyang Instagram page na nakapalkibot kay Bruce ang kanyang mga mahal sa buhay habang lahat sila ay kumakanta ng birthday song. Pagkatapos ay hinipan niya ang kanyang birthday candle na nasa pie na hawak ni Emma.
Ang mga anak ng dating mag-asawa na sina Rumer, Scout at Tallulah ay nagpadala rin ng kanilang mga pagbati sa kaarawan kay Bruce sa pamamagitan ng kani-kanilang mga Instagram page.
Ito ang unang pagkakataon na ibinahagi ng pamilya ng aktor ang isang video tungkol sa kanya matapos ang kanyang ma diagnose na may dementia.//CA
