Reymund Titong
KABANKALAN CITY, Negros Occidental — Ang tradisyon sang MassKara Festival sa Bacolod nagsugod sang tuig 1980, sa panahon nga ang probinsya sang Negros Occidental ang nagaatubang sang mga problema sa ekonomiya sa idalum sang administrasyon sang diktador nga si Ferdinand E. Marcos, Sr.
Ang probinsya, bilang isa sa mga naga-produce sang linibo nga tinolada sang kalamay, ang anay nagaatubang sang krisis sa ekonomiya bangod sang pag ital-ital sang presyohanay sang kalamay sa bug-os nga kalibutan, kag ang grabe nga korapsyon sang mga cronies ni Marcos, nga nagakontrolar kag naga-monopolyo sa baligya-anay sang kalamay.
Sa amo man nga tion, naga mangasubo ang mga Negrense bangud sang paglubog sang MV Don Juan malapit sa baybayon sang Mindoro, matapos ini naka-bunggo sa isa ka oil tanker, nga nagresulta sa ppagkapatay sang 176 ka mga tawo, kag pagkadula sang iban pa.
Bangud sa trahedya nga natabo, natigayon nahimo ang Masskara Festival bilang isa ka selebrasyon nga nagapakita sang paglaum kag kabakod sa tunga sang mga mabudlay nga mga panghitabo, samtang ginapromote ang turismo.
Ang presidente sang Arts Association of Bacolod sa amo nga tion nga si Ely Santiago, ang nag ubra sang tinaga nga MassKara. Ini gikan sa duwa ka tinaga nga “mass” (damo nga tawo) kag “cara” ukon guya.
Ang 2024 MassKara festival ang hiwaton humalin Oktubre 11 to Oktubre 27, kag may yara mga nagkalain-lain nga aktibidades sa apat ka mga gin-designar nga festival sites. Ini amo ang Bacolod City Public Plaza, Bacolod City Government Center, Lacson Strip, kag The Upper East sang Megaworld.
Iban pa gid nga mga balantayan ang aktibidad amo ang MassKanamit, MassKara Music Festival, The Electric Float Parade, The ElekTROIKA Diva MassKara Lympics, Miss Bacolod, MassKarade Ball, kag ang Street and Arena Dance Competition. -BNFM Kabankalan
