“SECTORAL decision ug dili lang ako, I only facilitated the consultation.” Kini ang nahimong pagbutyag ni Rodrigo “Boy” Olarte, kanhi konsehal sa GenSan ug lider sa urban and rural poor community sa unanimous nga pagpili nila kang kang Brigada Elmer V.Catulpos nga ilang mamahimong mayor sa GenSan sa May 9 elections ug mahimong mopirma sa covenant nga gimugna.
Segun kang Olarte, gipili matud pa si Brigada Elmer sa 60 ka mga lider itandi sa duha nga kaatbang sa pagkamayor nga wala nakakuha og bisan usa ka boto gikan sa mga nahisgutang lideres.
Upat ka mga rason nganong gusto nilang si Brigada Elmer ang mahimong mayor, una, ang pagka-facilitative ug consultative niiini ug usa kini ka maayong tagapaminaw o listener.
Dugang ni Olarte, open-minded si Brigada Elmer, may fresh ideas ug dili corrupted ang hunahuna, wala na-compromise sa mga sindikato sa GenSan.
Ikatulo, presko sa pulitika, apan usa ka experienced leader, negosyante ug girespeto sa GenSan Chamber of Commerce isip presidente.
Gawas niini, maayo usab daw kay ang business sector ang gapaminaw kaniya ug siya usab ang nagapaminaw ngadto sa mga kabus.
Ikaupat mao nga usa ka organizer si Brigada Elmer, asa pagpamatuod niini ang gimugang KaBrigadahan, nga makatabang sa mga kabus ug angayang suportahan.
Nakita usab ni Olarte kang Brigada Elmer ang pagka-matinud-anon, dreamer, dili pa burn out ug naa pay ‘imagineering’ qualities ug may katakos gawas pa nga nakita niini nga usa ka maayong manager, potential ug talented alang sa public administration.
