Gin-uli it Barangay Tinigaw, Kalibo ro P200,000 nga balor it proyekto matapos ideklara bilang 1ST Place sa Awarding Ceremony it 1ST Bagong Kalibo Search for Model Barangay ku Marso 6, 2024.
Sa pag-facilitate nanday Kalibo Mayor Juris Bautista Sucro ag Vice Mayor Cynthia Dela Cruz, madinaeag-on nga nagtapos ro pinakaunang Search for Model Barangay matapos rayang ilunsar ku Hulyo 26, 2023 sa tinutuyo nga pasidunggan ro mga barangay nga may una nga Material Recovery Facility MRF, Zero Open Defecation Program, Drug – Free Certified Barangay, Enlisted 1% Blood Donors (From The Total Population), ag may Legislative Compliance.
Bukod sa nadag-an nga P200,000 it Barangay Tinigaw hay Best in Material Recovery Facility Program pa sanda ag byahe paagto it Baguio nga courtesy ni Mayor Juris Bautista Sucro. // ANN DESLENE SALAZAR
