LEGAZPI CITY – Aktibo an mga opisyales de barangay kan Brgy. Bagumbayan, Ligao City sa pag-iimplementar kan mga programa kontra iligal na droga segun sa Philippine Drug Enforcement Agency (PDEA) Albay.
Sinabi ni PDE Albay head Noe Briguel, saro an nasambit na barangay sa mga naghihiro pag-abot sa implementasyon kan sustainability phase kan barangay drug clearing program.
Apwera digdi, saro man ini sa pigdeklarang drug-cleared kan Regional Site Committee on Drug Abuse Council.
Pigklaro man ni Briguel na dae man sinda hahalian nin citation komo drug-cleared barangay huli ta ginigibo ninda an saindang obligasyon.
Kung magigirumduman, kasusaro sana, sinakyada ninda kan PDEA Albay kaiba an iba pang unit an sarong drug den kan Purok 6 kan nasambit na barangay na ikinaarestar kan apat katawo kaiba an sarong ex-kagawad napresenteng nagdadalagan ngunyan na eleksyon.
