LEGAZPI CITY – Pag-oorolayan pa sana kan barangay council kan Lapu-Lapu, Legazpi City an maray na gibuhon sa mga basura sa Tibo River kan nasambit na syudad.
Segun kay Kagawad Genevie Vista, Committee Chairman on Solid Waste, pigpaplano nindang suratan an kataraid na baragay tanganing mawara o mabawasan an basura sa nasambit na salog.
Apwera digdi, iimbitaran man kan konseho an solid waate management kan syudad tanganing madangog an mga plano na imantenir an kalinigan sa Tibo River.
Dugang pa kaini, bubugtakan man nin pansara o net an salog tanganing madali ining malinigan kan barangay asin masasara an gabos na ati nin basura.
