WALAY problema ang demolisyon kung may court order.
Kini ang gihingusgan ni Boy Olarte sa Olarte clan human sa pag-demolish sa armadong mga tawo sa luna sa Olarte Estate, Brgy. Labangal adlawng Dominggo.
Segun ni Olarte nga anaa sa libuan ka tawo ang misulod sa luna ug mga armado ang uban nga sa nasayran niini kasagaran dili matud pa taga GenSan.
May upat ka mga nanag-iya og balay sa lugar ang nagreklamo tungod naguba ang ilang balay ug nanawagan og tabang sa lokal nga gobyerno.
Nagtuo usab kini nga may atubangong kaso ang mga miguba ug naghimo og kasamok sa lugar pinaagi sa pagpabuto sa armas hinungdan sa pagkahadlok sa mga lumulupyo.
Ang maong luna ang kabahin matud pa sa gipanag-iyahan sa pamilyang Olarte nga gina-claim usab sa laing tawo.
Alang kang Olarte illegal ang pag-demolish tungod naatol nga Dominggo ug wala matud pay gipakita nga court order sa mga nagpuyo didto.
Hulaton na lamang matud pa niini ang resulta sa imbestigasyon sa kapulisan aron muhimo og lakang.
Nanawagan usab kini sa lokal nga gobyerno nga panalipdan ang legal ug kamatuoran ug pakgangon ang gahimo og krimen.
