Temporaryong naka detained sa Kalibo MPS ru suspek sa paghampas it bote sa ueo ag pagbuno sa alima it biktima sa L. Barios St., Kalibo, Aklan.
Sa imbistigasyon, nakilaea ru biktima nga si Angrian Llana, 33 anyos it L. Barios St., Kalibo samtang, gina turong suspek hay si Kent Daniel Jongay , 19 anyos , residente it Roxas Ave, Kalibo.
Natabo ru insidente kat mag-agi sa lugar ru biktima habang naga-inuman ru grupo it suspek.
May nagtuhaw nga mainitang diskusyon sa tunga it biktima ag suspek rason nga natabo ru insidente.
Presenting gina bueong sa hospital ru biktima samtang temporaryo nga detained sa
Kalibo MPS ru suspek para sa naga kaigo nga disposition.//MARIVIC Y. ILIN
