Haeos sang milyong turista ro nailista nga bumisita sa isla it Boracay sa unang limang buean it 2023.
Pamatuod kara ro nailistang 944,850 tourist arrivals halin it Enero hasta Mayo base sa datus it Malay Tourism Office.
Sa nasambit nga numero, 735,645 ro domestic tourists; 185,039 ro foreign tourists; ag 24,166 ro Overseas Filipino workers (OFWs)/overseas Filipinos.
Base sa pamunuan it Malay Tourism Office, kaabuan sa foreign tourists hay halin sa South Korea, USA, China ag Australia.
Target it local government unit (LGU-Malay) nga maka engganyo it 1.8 hasta 2 milyong turista sa Boracay makarun nga dag on. // ANN DESLENE SALAZAR
