Naglista it 9,066 nga tourist arrivals ro isla it Boracay halin it June 1 to 13, base sa Municipal Tourism Office it Malay.
Nagpanguna sa may pinakamaabung turista nga naga bakasyun sa isla ro naghalin sa National Capital Region (NCR) nga may total nga 5,772, sumunod man ro Region IV-A o (Calabarzon) nga may 1, 948 ag nagpangatlo ro Region III (Central Luzon) nga may 614.
Samtang ro mga turistang naghalin sa Visayas ag Mindanao kaeakip ro probinsya it Aklan hay naglista eamang it 331.
Samtang, hugot gihapon ro padumdom sa mga turista sa Boracay nga kumpleto ag legal ro mga daea kara nga dokumento. / ANN DESLENE SALAZAR
