Gihangyo na sa lokal nga panggamhanan ning syudad sa Davao ang Department of Health (DOH)-Davao nga tugutan ang pagpahigayon og booster shots alang sa mga healthcare workers sa Davao City.
Kini ang nakitang solusyon sa City LGU nunot sa nasinati nga kakulang og healthcare workers sa mga ospital ilabi na ang Southern Philippines Medical Center, human daghan kanila ang natakbuyan sa virus.
Giangkon ni Mayor Sara Duterte-Carpio nga mihikay na og resolusyon ang COVID-19 Task Force sa syudad aron hangyuon ang ahensya nga hatagan og boosters shots ang mga anaa sa priority A1 category o healthcare workers.
Kahibaluang sa September 15, 2021 data, anaa sa kiantibuk-ang 60,240 health care workers ag midawat sa ilang first dose samtang 47,941 sa second dose.
Sa karon wala pay gipagawas nga tubag ang DOH-Xi pinaagi ni Regional Director Dr. Annabelle Yumang sa hangyo sa local government of Davao
Sa pikas bahin, gikumpirma usab ni Mayor Inday nga usa ka resolusyon ang gipdala karon sa lokal nga panggamhanan pinaagi sa vaccine cluster ngadto sa IATF aron hunungon na ang pagpadala bisan ang pagpalit og Sinopharm ug Sinovac sa mga vaccination sites.
Kini human nigawas nga dunay “low acceptability”o gamay lang ang gusto sa maong mga brand ug mas daghan ang nipakita og interest nga magpabakuna sa Pfizer ug Moderna vaccines.BNFM-DAVAO
