Puspusan pa rin ang paghahanda ng kampo ni President-elect BongBong Marcos para sa panunumpa nito sa a-trenta ng Hunyo.
Kahapon, una nang kinumpirma incoming Presidential Management Staff secretary Zenaida Angping na manunumpa si Marcos sa makasaysayang National Museum.
Ngayong araw, nag-inspeksyon na ang ilang tauhan ng DPWH para makita ang kasalukuyang estado ng National Museum.
Unti-unti na ring inilalatag ang mga posibleng pagtayuan ng entablado kung saan pormal na idaraos ang inagurasyon ni Marcos.
Ayon naman kay incoming press secretary Trixie Cruz-Angeles, hinihintay pa nila ang magiging opisyal na desisyon mula sa National Museum officials kung hanggang ilang guests ang papayagan sa venue.
Matatandaang una nang nag-anunsyo ang National Museum of Fine Arts na magsasara ito mula sa Lunes hanggang sa ika-apat ng Hulyo.
#
