Partially-burned ang isa ka bodega nga human sa light materials matapos nasunog takna alas-2:49 kahapon sa Barangay Lawaan, Roxas City.
Sandig sa impormasyon nga nakuha sang Brigada News FM sa Bureau of Fire Protection (BFP)- Roxas City, ginapanag-iyahan sang isa ka negosyante nga ginkilala kay Leny Albert Apaitan ang nasambit nga bodega.
Gilayon naman nga napalong ang kalayo matapos madasig nga nagresponde ang mga bumbero.
Nahibaluan, nga madamo sang nakit-an nga upos sang sigarilyo sa gilid sang bodega nga isa sa mga ginalantaw nga rason sang pagkasunog. Sa karon, nagapadayon pa ang imbistigasyon sang BFP-Roxas City samtang nagdangat naman sa kapin P10,000 ang balor sang kahalitan.
