Naniniwala si Senate Blue Ribbon Commitee chairperson Senador Francis Tolentino na walang kinalaman si dating Education secretary Liling Briones sa pagbili ng PS-DBM ng mga overpriced at outdated na laptops para sa mga public school teachers.
Ito ang ginawang paglilinaw ni Tolentino matapos ang isinagawang pagdinig kahapon ng Kumite kung saan ay ginisa ang mga dating officials ng DepEd hinggil sa kontrobersyal na procurement ng mga laptop.
Sa isang panayam, sinabi ni Tolentino na kung siya ang tatanungin – wala umanong alam si Briones at posibleng pinaikot-ikot lang ito ng kanyang mga tauhan.
Sa kabila nito, nilinaw niyang inisyal pa lang niya itong reaksyon at hindi rin maituturing na final report ng Senate panel.
Kahapon nang dumipensa si Briones sa pagdinig at sinabing hindi niya alam ang transakyon ng PS-DBM at ng DepEd.
#
