Naaresto ang 31-anyos na binata na may kasong 6-counts of qualified rape ng personahe ng Sorsogon City Police Station sa Brgy Pangpang. West District, Sorsogon City.
Kinilala ito sa alyas na Alvin, empleyado sa isang pribadong kumpanya at residente ng Brgy Abas, Pilar, Sorsogon.
Naaresto ang akusado sa bisa ng warrant of arrest na ipinalabas ng RTC Br 51, 5th Judicial Region, Sorsogon City na walang rekomendasyong piyansa.
Ang kaso ni alyas Alvin ay nag-ugat noong taong 2016.
Himas rehas na ito sa custodial facility ng nasabing himpilan at hinihintay na lang ang ibababang commitment order dito mula sa korte.
