Inilatag na ng Department of Health (DOH) Bicol ang datos ng mga kaso ng mga nagkaroon ng injuries na may kinalaman sa mga paputok o fireworks noong nakaraang taon.
Sa datos ng ahensya, labing-apat na mga kaso ang naitala sa buong rehiyon noong 2021 kung saan marami rito ay mga lalaki.
Ayon Sa DOH bicol, halos kalahati umano ng mga naitalang kaso sa nabanggit na taon ay mga kabataan, kung saan ang pinakabata sa kanila ay may edad na pitong walong gulang habang limampu’t dalawa naman ang pinakamatanda.
Dagdag pa nito, mayroon ding amputation cases na naitala sa nasabing taon kung saan mayroong mga naputulan ng daliri at bahagi ng paa.
Pinag-iingat ng ahensya ang lahat at inaabisuhang huwag nang gumamit ng mga paputok upang maiwasan na ang ganitong uri ng mga insidente.
