LEGAZPI CITY – Nananatili sa mahigit 1,000 ang bilang ng mga alagang hayop na inilikas sa ligtas na lugar mula sa banta ng pag-aalburoto ng Bulkang Mayon.
Sa pinakahuling datos ng ASPEMO at ng Provincial Veterinary Office, ito ay nasa 1,100 pa rin na mga hayop.
Sa datos, 8 mga hayop ang inilikas sa Malilipot; 16 sa Bacacay; 114 sa Sto. Domingo; 189 sa Daraga; 313 sa Camalig; habang 460 naman sa Guinobatan.
Samantala, nasa 458 naman ang bilang ng mga magsasaka na apektado ng sitwasyon ng bulkan.
Sa kaparehong datos, 5 rito ay mula sa Malilipot; 8 sa Bacacay; 47 sa Sto. Domingo; 81 sa Daraga; 142 sa Camalig; habang 175 naman sa Guinobatan.
Tiniyak naman ng Provincial Veterinary na namo-monitor ang mga hayop na inilikas at regular silang nagsasagawa ng inspeksyon sa mga ito.
