NAGA CITY- Pinaplantsa na ng medical cluster ang magiging augmentation force ng mga medical personnel sa Naga City para nalalapit nang Peñafrancia Festival 2023.
Sa panayam ng Brigada News FM Naga kay City Disaster Risk Reduction and Management (CDRRM) Officer Erning Elcamil, hinihinakayat din nila ang mga munisipyo na magpadala ng dagdag na puwersa tulad noong nagdaang taon. Mayroon ding dagdag na 13 ambulansya sa lungsod.
Mahalaga aniya na mas maraming magbibigay ng paunang lunas tulad nong 2022 na sa Traslacion pa lamang 850 na ang kanilang narespondehan, maliban pa ito sa iba pang mga aktibidad.
Samantala aminado si Elcamil na hirap sila sa emergency response kung nagkakaroon ng signal jamming.
