BICOL—Inanunsiyar kan Department of Education o DepED-Bicol na igwa nang labi sisenta y singko mil na mga estudyante sa rehiyon an nakapagparehistro sa nagpapadagos na early registration para sa school year 2022-2023.
Sa pinakahuring report kan ahensya , igwang kabilugan na 65,410 na mga enrollees para sa kindergarten, asin grades 1,7 asin 11 sa man iba ibang mga pampublikong eskwelahan sa rehiyon.
Sa bilang na ini,pinakadakul an nairehistrong enrollees sa Grade 1 na nasa 24,814, suminunod sa Grade 11 na igwang 14,598 enrollees, 13,931 man sa kindergarten mantang 12,067 para sa Grade 7.
1,485 man gikan sa kabilugan na 3,914 na mga public elementary asin secondary school sa rehiyon an nakisumaro sa pre-registration activity o kabaing nin 37.94% participation percentage.
Mantang solamenteng an mga Schools Division Offices pa sana kan Iriga asin Legazpi City an nagkamit nin 100% participation gikan sa kabilugan na 13 SDOs sa Bicol.
Obheto soboot kan pagsasagibo nin early registration activities na makabilog nin estimated na bilang nin mga learners para sa bagong school year siring man makabilog nin strategic plan para macierto an quality basic education para sa gabos.
Katakod kaini, padagos an pangapudan kan Deped-Bicol sa mga magurang asin guardians na aprubitsaran an nasabing aktibidad tanganing maiparehistro an mga aki asin dai na maghalat pa nin deadline.
