IGO na lang sa pagpatulo sa iyang mga luha ang usa ka negosyante gikan sa Barangay Mabuhay nga usa sa biktima sa 13 ka biktima sa sunog kaadlawon sa Enero 27 sa kasamtangan nga tuig.
Sa paghinabi sa 89.5 Brigada News FM Gensan kay Theresa Mae Salas tag-iya ug barber shop ug sari-sari store atol sa programang Larga Brigada sumala niini nga paspas kaayo ang sunog traynta 30 lang na-ugdaw na ang ilang mga pwesto, sa iyang bana-bana anaa sa P500,000 pesos ang damyos sa iyang mga pwesto.
Sumala usab kay Jocelyn Sugaron tag-iya sa usa ka pwesto nga gulayan, lami daw kayo ihilak ikatawa nalang kay wala silay nadala apan maayo nalang kay wala sila natulog sa ilang pwesto kay basin ma disgrasya sila sa kalayo.
Samtang nasalba pa ni Joffer Abraham ang duha sa iyang mga freezer nagtinabangay lang sila kay bug-at kaayo,nigamit pa daw siya og fire extinguisher apan dili na matabang ang kalayo mao nga nasunog ang usa niya ka freezer nga puno sa mga panga sa tuna ug karne sa manok ug usa ka refrigerator.
Samtang may nasalba pa usab nga pipila ka tinda ang negosyante nga si Grace sa tabang sa mga tawo, adunay tray sa itlog ug pipila ka grocery items, namukaw usab daw siya sa mga silingan aron nga makalikay sa sunog.
Sa kumpermasyon sa mga biktima, 13 ka pwesto ang nasunog una ang tindahan og prutas sa ginganlag Dolly, snacks ug karenderya ni Neneng, Isdaan ni Tonet, sari-sari store ni Nicky Taylor, karenderya ni Jerome Limbuan, frozen products ni Venice Maliwas, gulayan ug galingan sa lubi ni Jocelyn Sugaron, sagingan ni Jong Jong Balignot, grocery ug barbershop ni Theresa Mae Salas, bakery ni Joy Josol, frozen products ni Joffer Abraham, grocery store ni Grace Jickain ug grocery store ug barbequehan ni Jun jun Recibe.
Sumala sa mga biktima nagsugod ang kalayo sa isdaan unya nikatay mga pasado alas dos sa kaadlawon samtang pasado alas 5 sa buntag nipahawa ang mga bumbero nga nagtinabangay aron dili na mokatag ang kalayo, ang lugar nga nahitaboan sa Recibe Village atbang sa Elementary school sa Barangay Mabuhay Gensan. I Ver Diazon
