CEBU CITY – Gipatuman na sugod gahapong adlawa sa Bike Lanes Board ang bike lanes ordinance nga niadto pang 2014 napasar sa Cebu City Council.
Nasayran nga niabot sa kapin sa usa ka tuig ang pag-edukar ug pagpakatap og mga impormasyon kalabot sa mga probisyon ug ordinansa niini.
Sagad sa mga nasikop sa paglapas sa City Ordinance 2408 mao ang wala pagsul-ob og helmet nga nalatid isip usa sa mga rekisito sa ordinansa.
Gawas sa pagsul-ob ug helmet, gimando usab ang pagtaud og blinkers sa mga biseklita alang sa night visibility arun makita sila sa panahon sa gabie.
Subay sa maong ordinansa, ang tanang mga siklista kinahanglan motuman sa mga lagda sa trapiko, sama sa pagmaneho sa mga de motor nga sakyanan.//
