LEGAZPI CITY – Puminangaduwa sa bilog na Pilipinas an Bicol Region sa may pinakadakol na lokal na gobyerno na kasabay sa Philippine Multi-sectoral Nutrition Project.
Segun kay National Nutrition Council (NNC) Bicol Regional Nutrition Program Coordinator Arlene Reario, saro ini sa dakulang pagkakaiba kan rehiyon sa iba pang lugar huli ta 60 sa kabilugang 114 LGUs an kasabay digdi.
Dugang pa niya, dakula an matatabang kaini sa pagpakarhay kan nutrition asin health services na maresulta sa pagbaba kan kaso nin stunting, wasting pati an overweight asin obesity.
Mientrastanto, pigheras man ni Reario na mas nagdakol an local chief executives sa rehiyon na suportado an nutrisyon mantang dakol an nutrition action officers na arani sa mga alkalde kaya madali naipapaabot an isyu manungod sa naunambitang sektor nganing tulos na matutukan.
