Sisiguruhin ng Bureau of Immigration (BI) ang ‘fast entry’ ng mga foreign dignitaries para sa inagurasyon ni President-elect Ferdinand ‘Bongbong’ Marcos Jr.
Ayon kay BI Commissioner Jaime Morente nilatag na nila ang mekanismo at proseso upang mabigyan ng prayoridad ang naturang mga foreign visitors kung saan magsasagawa ng immigration formalities pagdating nila sa Pilipinas.
Aniya, inatasan na nila ang mga immigration officers na palawigin ang port courtesies para sa mga nasabing delegates.
Samantala, nakatakdang manumpa si Marcos bilang susunod na pangulo ng bansa sa ika-30 ng Hunyo sa National Museum. (ARGIE ERGINA)
