GI-RENEW sa Bureau of Fire Protection (BFP) sa GenSan ang apela sa publiko nga likayan ang paggamit og firecrackers ug pyrotechnic devices sa pagselebrar sa kapaskohan ug Bag-ong tuig.
Matud ni Reginal Legaste, GenSan City Firemarshall, makaselebrar gihapon og pasko bisan paman walay firecrackers ug pyrotechnics.
Gumikan base sa nakalabay’ng rekord sa BFP, pipila kasunog nga natala sa mga nakalabay’ng tuig nahitabo atol sa holiday season.
Giawhag niini ang publiko nga mogamit na lang og alternatibong butang nga makamugna og kasaba sama sa lata ug torototot.
Gawas sa posibleng makamugna kini og sunog, ang dili saktong paggamit sa fireworks ang posibleng moresulta sa pagkasamad ug pagkamatay. I Richel Gubalani
