GIAWHAG sa opisyal sa Bureau of Fire Protection-GenSan (BFP-GenSan) ang publiko nga bantayan ang ilang electrical connections sa ilang balay.
Human migula sa imbestigasyon nga sagad hinungdan sa sunog sa GenSan mao ang problema sa electrical.
Matud ni Senior Fire Officer 1 (SFO1) Oliver John Alfeche, tigpamaba sa BFP-GenSan, ang sunog sa Barangay City Heights nga gikamatay sa mag-inahan nga trapped sa sunog, nakita nga rason mao ang electrical problem.
Nagpahinumdom kini sa publiko nga siguradohon nga natarong ang electrical wiring aron malikayan ang sunog. Kahibaloan nga P2.8 milyon kantidad sa propedad sa GenSan ang naabo gikan sa 37 ka insidente sa sunog. I Richel Gubalani
