Indi magnaba sa 169 nga insidente it sunog sa bilog nga Western Visayas ro nai-report ag gin-respondehan it Bureau of Fire Protection (BFP) Region 6 sa sueod eamang it 10 adlaw sa buean it Marso, nga kilaea man bilang Fire Prevention Month.
Base sa pamunuan it BFP-6, 108 rona-classify bilang non-structural o grass o forest fires, 58 ro structural, ag tatlo ro vehicular.
Makita sa record eon ro Iloilo ro may pinakamataas nga numero it insidente it sunog sa sueod it 10 adlaw, nga may kabilugan nga 78.
Sinundan raya it Negros Occidental nga may 66 nga insidente it sunog, Aklan nga may 8, Guimaras nga may 7 ag may tig-5 sa Antique ag Capiz.
Ginpadumdom man it BFP-6 ro publiko nga maging mas mahaeong, eabi eon sa paghaboy it mga basura parehu it naga kasunog nga mga dahon, tamang pagpatay sa upos it sigarilyo, pag eaha sa kusina, pag-check it mga electrical wiring, ag paglikaw sa pag ubra it octopus connections agud malikawan ro mga posibleng peligro. // ANN DESLENE SALAZAR
