Ilalatag ng Bureau of Fisheries and Aquatic Resources (BFAR) ang mga programa kung saan sisiguruhin ang patuloy na fish production sa bansa kasabay ng sunod-sunod na oil price hikes.
Ayon kay BFAR chief information officer Nazzer Briguera, nais nilang gawing self-sufficient ang Pilipinas pagdating sa suplay ng isda.
Kabilang umano sa kanilang programa ang capacity-building program kung saan bibigyan ng mas malalaking bangka ang mga mangigisda.
Samantala, inaasahan din na ipaprayoridad ng kasalukuyang administrasyon ang livelihood program at aquaculture development efforts. (ARGIE ERGINA)
