Nagaduhong sa sulod sang karsel sang Roxas City Police Station ang isa ka Barbeque vendor matapos ginserbihan sang warrant of arrest sang kapulisan sa Brgy. Libas, Roxas City takna alas 3:42 kahapon sang Lunes, Hulyo 29.
Ginkilala ang akusado kay alyas “Boninay”, 27-anyos kag residente sang Purok III sang nasambit nga lugar.
Nagapangatubang ini sang kaso nga pagpangawat ukon “Theft” kun sa diin ang warrant of arrest ang gin-isyu kag ginpermahan ni Judge Kathleen G. Delantar, Municipal Trial Court in Cities, Branch 2, Roxas City napetsahan Hulyo 26, 2024.
Ginrekomendar sang korte ang P10,000 nga piyansa para sa temporaryo nga kahilwayan sang akusado. | Judy Ann Juare
