Nanawagan si Pangulong Bongbong Marcos sa mga kawani ng media na maging kaagapay ng Gobyerno sa pagpapakalat ng mga impormasyon at balita hinggil sa mga polisiya’t programa ng pamahalaan.
Ginawa ng Pangulo ang apela kasabay ng pangunguna nito sa panunumpa ng mga bagong opisyales ng Kapisanan ng mga Brodkaster ng Pilipinas o KBP.
Hinikayat ni Marcos ang mga miyembro’t officials ng KBP na magkaroon ng mahigpit na pakikipagtulungan para sa epektibong komunikasyon ng mga Government policies at achievements.
Kinilala rin niya ang mahalagang papel ng pamamahayag sa ating bansa.
Sa huli, tiniyak ng Pangulo na gagawin nila ang ilang mga hakbang para masigurong mapo-protektahan ang karapatan ng mga brodkaster sa Pilipinas.
#
