Ililibre ng city government ang bayarin ng mga pasyente sa dialysis center na ipinagagawa ngayon sa compound ng James Gordon Memorial Hospital sa Olongapo.
Ito ay kahit pa aabot sa mahigit apatnapung pasyente ang kayang i-accommodate per session mula sa kasalukuyang labing apat na pasyente lang.
Ayon kay Mayor Lenj Paulino, bukod sa mga gamot na kailangang bilhin ay pipilitin ng city government na akuin ang bayarin ng mga pasyente sa paggamit ng pasilidad at mga kagamitan.
Matatandaan, sa tulong ng Department of Public Works and Highways ay naglaan ng higit 25-million pesos na pondo ang siyudad para makapag-patayo ng tatlong palapag na gusali na gagawing dialysis center.//Christian Andres-BNFM OLONGAPO
