Arestado ang dalawang lalaki matapos ang ikinasang drug buy-bust operation ng pinagsama-samang pwersa ng mga awtoridad sa Barangay Malabanban Norte, Candelaria, Quezon nitong Huwebes, Enero 18.
Ayon sa police report, bandang alas-4:40 ng umaga ikinasa ang operasyon na nagresulta sa pagkakaaresto kina alyas “Jay”, 42-anyos at “Francia”, 33-anyos.
Sa gitna ng operasyon, nasabat mula kay alyas Jay ang tatlong (3) sachet ng hinihinalang shabu, isang (1) sling bag, isang (1) Caliber 45 Pistol, isang (1) magasin na naglalaman ng pitong (7) piraso ng bala, at inside holster habang kasama nito si alyas Francia.
Tinatayang nagkakahalaga ng mahigit ₱120,000 ang hinihinalang shabu ang nasamsam sa mga suspek.
Sa ngayon, nasa kustodiya na na awtoridad ang mga suspek para sa kaukulang dokumentasyon at disposisyon.
