SAYO sa buntag pa sa ulahing adlaw sa second round sa National Vaccination Days nagdasok na ang gustong magpabakuna sa Barangay San Isidro General Santos City.
Kasagaran sa mga nagpila mga kabataan nga naga-edad 12-anyos pataas nga naka-first dose na sa bakuna, ang uban mga senior citizens ug ang uban mga inahan nga adunay dalang bata, gihimo nga priority ang mga senior citizen, mga minors ug mga mabdos ug PWDs.
Bag-o sila gipasulod sa gymnasium naghatag og instruction ang labaw sa komitiba sa maayong panglawas nga si Kagawad Danilo Sotto nagpahibalo nga ang mauna katong adunay schedule alang sa second dose, apan maulahi katong wala nakaabot kaniadtong Desyembre 20.
Ganado usab kayo ang mga kabataan sa pagpabakuna sa ilang second dose, sumala sa usa ka 12-anyos gikan sa PB Com second dose na siya ug nagapanawagan sa wala pa nakabakuna nga magpabakuna na.
Sumala sa usa ka batan-ong babaye nga wala usab siyay dautang gibati human nga naka first dose sa bakuna.
Samtang usa ka inahan adunay duha ka bata nga gidala sa bakunahan sa San Isidro sumala kay Jasmin Casires iyahang gikumbensi ang iyang duha ka anak nga naga edad 20 ug 22- anyos aron mabakunahan, nahuman na usab siya sa pagbakuna kaniadtong Desyembre 21,2021.
Samtang sa secord round sa vaccination, sa unang adlaw nakaabot sa 1,400 sa ikaduhang adlaw 1,544 ug gilauman nga mas daghan pa sa ikatulong adlaw, samtang sa unang round sa National Vaccination Day naka-cater sila og 5,281 ka mga tawo. I Ver Diazon
