KORONADAL CITY- ISINAILALIM sa national validation ng Department of the Interior and Local Government (DILG) ang Barangay Poblacion sa bayan ng Tupi, South Cotabato.
Napag-alaman na ang naturang barangay ang entry ng rehiyon 12 sa Lupong Tagapamayapa Incentives Award o LTIA ngayong taon.
Ang Lupong Tagapamayapa Incentives Award ang kumikilala at nagbibigay ng parangal sa mga barangay na may magandang performance at implementasyon ng barangay justice at pagresolba sa mga maliliit na problema o hindi pagkakaintindihan sa barangay upang hindi na umabot pa sa korte.
