Nasaktan umano si suspended Bureau of Corrections chief Gerald Bantag sa komentaryo ni Percy Lapid, kaugnay sa kanyang bahay at sasakyan, kaya ipinag-utos ang pagpapapatay dito sa naturang broadcaster.
Ito ang ibinahagi kay Joel Escorial ni Cristito Villamor Palaña, ang New Bilibid Prisons inmate na umano’y nagsilbing middleman para sa planong pagpatay kay Lapid.
Pagbubunyag ni Escorial, na ibinilin sa kanya ni Villamor, na saka lang ilabas ang naturang impormasyon sa kaling mamatay siya.
Ayon sa self-confessed gunman, na sa kanilang pag-uusap ni Jun ay tila namamaalam na ito, dahil tiyak umanong papatayin siya sa oras na malaman na sa loob nanggaling ang trabaho.
Sa ngayon, wala pang pahayag at hindi rin mahagilap si Bantay, matapos na pormal nang kasuhan ng mga otoridad ng murder dahil sa naturang krimen. //MHEL PACIA
