Nanawagan si Bankers Association of the Philippines president Jose Arnulfo “Wick” Veloso sa publiko na maging mas-vigilant laban sa cyberattacks.
Ito ay matapos mapaulat ang pangha-hack sa online banking ng ilang kliyente ng BDO, kung saan ay nagkaroon umano ng mga hindi otorisadong fund transfer.
Iginiit sa pahayag na walang mabibiktima ng cybercrime o pagnanakaw kung hindi nila ibabahagi ang kanilang mga personal na impormasyon tulad ng One-Time Password sa iba.
Samantala, kinilala na ng BDO Unibank Inc., ang nangyaring pambibiktima sa ilan nitong mga kliyente.
Tiniyak ng BDO na ire-reimburse nito ang mga nawalang pera ng mga apektado nitogn kliyente habang patuloy na pinaiigting ang kanilang cybersecurity efforts.
