Padayon nga ginabueong sa ospital do estudyanteng baye ag maestro matapos nga barilon sa sueod it Guimaras State University sa Brgy. Mclain, Buenavista, Guimaras.
Ginkilaea do biktima nga sanday alyas Ram, sa legal nga edad ag musical director it GSU ag alyas Christine 22 dag’on, residente it San Lorenzo, Guimaras.
Samtang do suspek hay ginkilaeang si alyas Zoilo, 22 dag’on at residente it Brgy. Zone 6, Pulupandan, Negros Occidental.
Sa ginpaguwa nga inisyal nga impormasyon, gulpi eamang sigon nga umabot do suspek sa lugar ag pinaeukpan do mga biktima.
Nasayuran man nga dating nubyo ni alyas Christine do suspek sag selos do isaea sa mga ginamantaw nga motibo sa pamamaril.
Sa makara, ina eun sa kustodiya it Buenavista PNP do suspek samtang ginahueat do tamang disposisyon.//MERIAM LUMBRERS AGDIPA
