Bangkay na sang nasapwan ang isa ka lalaki sa sulod sang masiot nga katalunan sa Crossing Bato Road, Brgy. Banica, Roxas City subong gid lamang nga aga sang Huwebes, Setyembre 28.
Base sa impormasyon nga nakuha sang Brigada News FM Roxas City, nagatakilid kag yara na sa advance state of decomposition ang bangkay sang biktima nga wala pa makilala.
Nagasuksok ini sang helmet kag ginapahayag may yara sang pilas sa ulo kag kamot.
Nagaduag sang pink ang bayo kag maroon ang short nga ginasuksok sini.
Suno sa mga nagkuha sang litrato sa bangkay, posible tatlo na ini ka adlaw sa katalunan rason nga nagapanimaho na kag ginalangawan.
Posible man suno diri nga ginluthang ukon ginlampusan kag ginhaboy sa nasambit nga lugar.
Nahibaluan nga nabudlayan ang mga kapulisan nga mag-imbestigar bangud kinahanglan pa nga magtabok sa gamay nga sapa antes makuha ang bangkay.
Sa karon, padayon pa nga ginahibalo sang otoridad ang pagkakilanlan sang biktima. | Judy Ann Juare
