NAGA CITY – Nagsimula na ngayong araw, ang pakikiisa ng komunidad ng Muslim sa lungsod ng Naga sa banal na pag-aayuno kaugnay ng paggunita ng Ramadan. Ayon kay Zubair Ditucalan, isang Imam, kabilang na dito ang pag-aayuno o ang hindi pagkain sa takdang panahon, maging paglimita sa asal at ginagawa.
Dagdag pa ng Imam, hindi inuobliga ang mga bata, at nasa edad labing dalawa ang inuobligang magdasal at magsagawa ng banal na pag-aayuno.
Panawagan naman nito sa mga kapwa Muslim na pangalagaan at makiisa sa paggunita ng Ramadan.
Samantala, ayon kay Mike Mustapha ang Federation Presidente ng Camarines Sur Muslim Community at Head ng Muslim Affairs Office sa Naga City, inaasahan nila na nasa siyamnaput limang porsyento ng mga kapwa Muslim, bata man o matanda ang makiisa sa nasabing banal na aktbidad kabilang na ang mga kapatid na Muslim sa mga bayan ng Goa sa Partido Area, at Nabua sa Rinconada Area.
